Plantun de Prouvènço

Pèr coumpara dos planto d'encò nostre

Crucianella angustifolia & Eupatorium cannabinum

Crucianella angustifolia

Rubiaceae

Nom en français : Crucianelle à feuilles étroites.

Descripcioun :
Pichoto planto proun curiouso que douno d'èr à un espigau de graminaceae. Mai un cop qu'avès vist si fueio verticilado, i'a pu ges de doutànci. Crucianella angustifolia se destrìo de sa cousino Crucianella latifolia, d'abord emé si fueio que soun mai estrecho e mai courto e subretout emé sis espigo larjo e courto (2 à 4 cm). Coumpara emé la croussianello-di-fueio-larjo qu'a d'espigo mai primo e pu longo (> 4 cm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : verticilado
Tipe bioulougico : Teroufite
Cicle bioulougico : Planto de l'an

Gènre : Crucianella
Famiho : Rubiaceae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo - Tepiero seco - Roucaio
Estànci : Termoumediterran à Subremediterran
Couroulougi : Pancaro entresigna
Ref. sc. : Crucianella angustifolia L., 1753

Eupatòri

Eupatorium cannabinum

Asteraceae Compositae

Àutri noum : Canebe-fèr, Carbe-fèr, Epatorium, Capoun.

Noms en français : Eupatoire à feuilles de chanvre, Eupatoire chanvrine.

Descripcioun :
Planto renadivo un pau grando (>1m), bourrihudo, emé de cambo rouginasso, e que s'arremarco emé si flour roso à blanco coumpausado de flouroun en tubo. Li fueio dóu bas, óupousado, soun divisado en fuioun que dounon d'èr à-n-aquéli dóu canebe.

Usanço :
L'éupatòri èi couneigu pèr èstre vertuous contro li problèmo de fege (coulagogue) e de rèn. S'emplego de maceracioun de flour, fueio e racino. Pamens, estènt douna la presènci d'alcalouïde èi counseia de pas n'en prendre de longo.